Malampusong nasikop sa mga personahe sa kapulisan ang usa ka drug suspek ug nasakmit ang mukabat sa P68,000 nga balor sa ilegal nga drugas atol sa gihimo nga hiniusang drug buy-bust operation mga ala 7:10 ang takna sa kagabhion niadtong Oktubre 14,2025 didto sa Gampis, Sicayab ning dakbayan Dipolog.
Ang maong drug suspect naila nga usa ka 38 anyos nga lalaki,minyo, construction worker, ug residente sa Crismus, Sicayab, ning syudad sa Dipolog.
Ang operasyon gihimo pinaagi sa mga personahe sa ZNPDEU, Dipolog CPS, 5th SOU PNP-MG, ug 901st MC RMFB9, diin nasakmit ang nasangpit nga drugas nga mutimbang sa gibana-banang 10 ka gramos nga adunay gibanabanang DDB value nga P68,000.00.
Ang mga nakuha nga butang naglakip sa: usa ka gamay nga sachet sa gituohang shabu isip buy-bust item; unom 6 ka sachet sa gituohang shabu isip possession; usa ka P500 bill isip buy-bust money; P1,200 cash nga kinitaan; usa ka itom nga Redmi cellphone; ug usa ka dark green nga plastic box nga gigamit isip sudlanan sa mga drug items.
Ang mga nakumpiska nga mga ebidensiya sa drugas ang gitunol ngadto sa Zamboanga del Norte Provincial Forensic Unit alang sa laboratory examination, samtang ang dinakpan nga suspek anaa na sa kustodiya sa Dipolog CPS alang sa tukmang dokumentasyon ug pagpasaka sa tukmang kaso.(Medalyn U. Borja)
Source: ZNPPO