Nagpakabana ang Bureau of Jail Management and Penology – Sindangan District Jail sa kampanya alang sa Breast Cancer Awareness Month pinaagi sa paghiusa sa kalihukan nga nag-awhag sa kahibalo ug kabag-ohan kabahin sa maong sakit.
Sa ilang tinguha nga mapalambo ang holistic wellness ug proactive health education, gipasiugdahan sa BJMP-Sindangan ang usa ka lecture session nga nagtutok sa importansya sa sayong pagdiskubre, body awareness, ug mga pamaagi sa paglikay sa sakit.
Gitudloan usab ang mga partisipante — online ug onsite — kabahin sa mga risgo, timailhan, ug sintomas sa breast cancer, lakip na ang hustong pamaagi sa Breast Self-Examination aron mapadali ang pag-ila sa posibleng problema.
Ang maong kalihukan nagpamatuod sa pagpaningkamot sa BJMP-Sindangan nga mapadayon ang edukasyon ug pag-atiman dili lang sa mga personahe sa pasilidad apan usab sa katawhan nga nagapalibot niini. (Jeniffer Jr. Delica)
Source: PIA ZAMBOANGA DEL NORTE