Gihatagan og 17 ka land titles ang mga residente sa Zamboanga del Norte atol sa Handog Titulo Program nga gipahigayon sa Provincial Environment and Natural Resources Office o PENRO.
Napulo ug unom niini mao ang Free Patent Titles alang sa mga pamilya sa Dapitan City, samtang usa ka Special Patent Title ang gihatag sa usa ka lokal nga eskwelahan.
Gipahimangnoan sa PENRO ang mga benepisyaryo nga ampingan ang ilang titulo ug gamiton kini sa hustong paagi alang sa kalamboan sa ilang pamilya ug komunidad.
Ang maong kalihukan nagpamatuod sa padayon nga paningkamot sa PENRO nga mapaabot ang serbisyo sa katawhan ug mapalambo ang responsableng paggamit sa yuta sa tibuok probinsya.(Jeniffer Jr. Delica)
Source: PIA ZAMBOANGA DEL NORTE