Nasakmit sa gikasa nga buy-bust operation sa mga personahe sa Dipolog CPS (SDET) pinangulohan ni Police Lieutenant Colonel EDWIN D VERZON Chief of Police, Dipolog City Police Station (lead unit) kauban ang 1ST ZNPMFC ug RDEU 9 sa koordinasyon sa ZN PDEA 9 ,ang mobalor sa P20,400 ka pesos nga kantidad sa gituohang shabu gikan sa usa ka Street Level Individual (SLI) pasado alas 12 sa kadlawon,Abril 10,2025 didto sa Purok 8, Brgy. Biasong , ning dakbayan sa Dipolog.
Ang operasyon miresulta sa pagkasikop sa usa ka 42 anyos nga lalaki,ulitawo, walay trabaho ug residente sa Quezon Avenue corner Mabini Street, Brgy Biasong, Dipolog City, Zamboanga Del Norte.
Nasakmit gikan sa posesyon sa suspek atol sa operasyon mao ang Usa ka small sized heat-sealed transparent plastic sachet nga adunay sulod nga white crystalline granules nga gituohang “shabu” Isip buy bust evidence.
Usa ka gamay ug dako nga heat-sealed transparent plastic sachet nga adunay sulod nga white crystalline granules nga gituohang “shabu”, Usa ka 1,000-peso bill isip buy bust money,Usa ka plastic sachet nga nagsilbi nga sudlanan ug Usa ka cellphone charger.
Gibana-bana nga mutimbang sa 3 gramos ang mga nakumpiska nga drogas ug adunay standard drug price nga mobalor sa P20,400.
Ang mga nakumpiska nga drug items gi-turnover sa ZDN Provincial Forensic Unit, samtang ang nasikop nga suspek anaa sa protective custody sa Dipolog CPS. (Medalyn U. Borja)
Source: DIPOLOG CPS