Nakumpiska sa mga personahe sa kapulisan ang mobalor sa kapin P140,000 nga kantidad sa ilegal nga drugas gikan sa usa ka drug suspek atol sa gikasa nga hiniusang buy-bust operation mga alas 11:02 ang takna kagabhion niadtong Mayo 5, 2026, didto sa Purok Mahogany, Barangay Miputak, ning dakbayan sa Dipolog.
Ang maong drug suspek nailhang nga usa ka 37 anyos nga lalaki, ulitawo, walay trabaho,nalista nga Street Level Individual ug residente sa Victoria Country Homes, Barangay Obay, Polanco, Zamboanga del Norte, kinsa nasikop ug nakumpiskahan sa kapulisan sa mgibana-bana nga 22 gramos nga gidudahang shabu nga adunay gibanabanang kantidad nga Php149,600.00.
Ang pagkadakop sa suspek ug pagkakumpiska sa ilegal nga drugas gihimo pinaagi sa mga personahe sa Regional Drug Enforcement Unit 9 Team Zamboanga del Norte, uban sa koordinasyon sa Dipolog City Police Station.
Ang mga nakumpiska nga droga itugyan ngadto sa Zamboanga del Norte Provincial Forensic Unit alang sa laboratory examination.
Samtang ang nadakpan nga suspek anaa karon sa temporary protective custody sa Dipolog CPS alang sa hustong disposisyon ug pagpasaka sa angay nga mga kaso alang sa paglapas sa Republic Act No. 9165.(MEDALYN U. BORJA)
Source: ZNPPO