Pinaagi sa dakung paningkamot sa dakbayan sa Dipolog nga mapauswag ang ayuda sa syudad ngadto sa mga Persons with Disability (PWD),kompirmado na ug opisyal ng gilagdaan ni Mayor Darel Dexter T. Uy ang Ordinansa Blg. 25-368, nga nag-amendar sa pipila ka seksyon sa Ordinansa Blg. 18-287, nga gitugutan nga hatagan ug P3,000.00 matag tuig nga subsidiya pinansyal sa mga kwalipikadong PWDs sa dakbayan Hunyo 25,2025.
Ang nasampit nga ordinansa giduso ni Konsehal Hon. Reich Reinald T. Uy, inubanan sa pakigtambayayong nila ni Konsehal Atty. Jonald C. Napigquit ug Konsehal Atty. Roger V. Asprer.
Ang pagpirma gihimo didto sa buhatan mismo ni Mayor Uy, ug gitambongan kini nila incoming City Mayor Roberto Y. Uy, CSWD Officer Patrick Jalapadan, Acting City Administrator Atty. Edwin Prince I. Gonzales, mga opisyales ug miyembro sa PWD association, ug grupo sa mga abogado gikan sa City Legal Office.
Ang mga pag-amenda sa ordinansa ang mas hapsay ug epektibong pagpatuman sa programa, aron mas mapadali ang paghatag sa mga benepisyo ngadto sa mga kwalipikadong PWD sa matag barangay ning dakbayan sa Dipolog.
“Ang maong programa nag pagpaila nga ang atong lokal nga panggamhanan seryoso sa pagtabang ug pagtagad sa kahimtang sa atong mga PWDs. Ang ilang katungod ug panginahanglanon dili angay kalimtan,ā pamulong pa ni Mayor Uy.
Sa pagpanglantaw sa bagong administrasyon, gipakita sa maong seremonya ang padayon nga suporta sa sektor sa PWD ug ang paningkamot sa lokal nga konseho nga mapalig-on pa ang mga programa alang kanila.
Ang ordinansa mopadayon sa paghatag og dakong tabang sa kinabuhi sa mga PWD, ilabi na sa aspeto sa pinansyal nga panginahanglanon, ug giila kini nga dakong kalampusan sa āinclusive governanceā sa syudad sa Dipolog.(Angelica T. Obina)
Source:Dipolog City Information Office