DIPOLOG CITY — Nagpabiling gawas sa Philippine Area of Responsibility ang Bagyong Sinlaku samtang padayon kini nga ginamonitor sa mga otoridad.
Sumala sa pinakabag-ong weather bulletin, nahimutang ang bagyo sa halayong bahin sa silangan sa Northeastern Mindanao ug adunay kusog nga hangin nga moabot og 150 kilometro kada oras, uban sa mas kusog nga pagbugso.
Bisan pa sa kusog niini, wala pa kini naghulga direkta sa Pilipinas sa pagkakaron, samtang hinay ang lihok niini padulong sa amihanan.
Giawhag ang publiko nga magpabiling alerto ug magmonitor sa opisyal nga abiso sa panahon alang sa posibleng kausaban sa direksyon sa bagyo.(JENNIFER JR. DELICA)
Source: Zamboanga del Norte Provincial News Network