Kapin 4,000 ka Olive Ridley sea turtle hatchlings ang malampusong gibuhian sa kadagatan sa nagkalain-laing baybayon sa probinsya sa Manukan, sumala sa report sa Community Environment and Natural Resources Office (CENRO) Manukan sa unang quarter sa 2026.
Gibutyag sa datos nga 4,372 ka hatchlings ang na-release gikan sa mga nesting sites sa Dipolog, Roxas, Manukan, ug Jose Dalman, isip kabahin sa padayon nga marine wildlife conservation program.
Sumala sa CENRO, resulta kini sa lig-on nga pagpanalipod sa nesting sites, maayong pagdumala sa itlog, ug hustong incubation nga nakatabang sa pagtaas sa survival rate sa mga pawikan.
Padayon ang koordinasyon sa DENR, LGUs, ug komunidad aron mapreserbar ang baybayon ug masiguro ang kaluwasan sa pawikan isip kabahin sa biodiversity sa probinsya.
Source: DENR ZAMBOANGA PENINSULA