Dipolog: Bag-ong napili nga SK officials mipa-ilawom sa mandatory training

0
21

Mipa-ilawom karon sa usa  ka adlaw nga Mandatory Training ang mga bag-ong napili nga mga opisyales sa Sangguniang Kabataan ning dakbayan sa Dipolog.

 Kini human mipakanaog og “advisory” ang National Youth Commission (NYC), pinasikad usab sa Section 27 sa gi-amendahan nga Akta Republika 10742, diin nagmando sa tanang midaog nga mga SK, isip dugang rekisitos, nga sa dili pa kini molingkod kinahanglan nga  mopa-ilawom kini  niining nasangpit nga Sangguniang Kabataan Mandatory Training (SKMT).

 Gi-skedyul karong adlawa, Nobyembre 3, mao ang mga barangay sa Barra, Biasong, Central,  Estaka, Miputak, Sta. Isabel, Minaog, Sicayab, Sta, Filomena ug Dicayas samtang ugmang adlawa, Nobyembre 4, 2023, mao na usab ang alang sa mga barangay sa Turno, Gulayon, Galas, Olingan, Punta, Sinaman, Sangkol, Cogon, San Jose, Diwan ug Lugdungan, tanan ning dakbayan.

 Ang mga lecturers ang naglangkob nila ni DILG-CLGOO Sherrie Charlota N. Machutes, Mr. Dan Buca Estecomen sa WMSU, Mr. Raymund B. Domingo sa NYC ug former SK Federation President sa Zamboanga del Norte nga si Ms. Charisse Marie Olvis.

(Source: Dipolog City Government Facebook page)

Leave a Reply