Balhog sa prisohan homan masikop sa mga personahe sa kapulisan atol sa gipatoman joint intel driven operation ang usa ka babaye sa kasong cyber libel ug theft mga ala 1:40 ang takna sa kaadlawon niadtong Abril 20, 2026,didto sa Purok 2, Canuto Enerio, Gutalac, Zamboanga del Norte.
Naila ang dinakpan nga Babaye nga si alyas “Rose Mae”, 21 anyos, babaye, adunay live-in partner, housekeeper, ug residente sa Purok 3, Upper Gutalac, Gutalac, Zamboanga del Norte.
Gidakop pinaagi sa mga personahe sa Zamboanga del Norte Police Intelligence Unit (ZN-PIU), isip lead unit, sa koordinasyon sa Gutalac Municipal Police Station (MPS), tungod sa duha ka nag-ung-ong nga mga kaso usa para sa Cyber Libel ubos sa Republic Act 10175, nga gi-isyu sa Regional Trial Court Branch 102, Malolos City, Bulacan, nga gipetsahan Pebrero 11, 2026, nga adunay girekomendar nga piyansa nga Php 10,000.00, ug duha para sa Theft, nga gi-isyu sa Regional Trial Court, Baliuag, Bulacan, nga gipetsahan Pebrero 12, 2026, nga adunay girekomendar nga piyansa nga Php 10,000.00 para sa iyang temporaryong kagawasan.
Ang suspek gipahibalo sa hinungdan sa iyang pag-aresto ug mga katungod sa konstitusyon sa usa ka pinulongan nga iyang nasabtan ug anaa na karon sa kustodiya sa pulisya para sa hustong disposisyon.(MEDALYN U. BORJA)
Source: ZNPPO