Na aresto sa mga personahe sa kapulisan ang usa ka housekeeper nga nag atubang sa kasong pagpangawat atol sa gihimo nga hiniusang operasyon nga gipadagan sa paniktik sa Purok 3, Upper Gutalac, Gutalac, Zamboanga del Norte, mga alas 2:45 sa kaadlawon niadtong Abril 20, 2026.
Naila ang dinakpan nga si alyas “Jess” 24 anyos, Pilipino, babaye, nga adunay live-in partner, usa ka housekeeper, ug residente sa susamang lugar kinsa gidakop pinaagi sa mga personahe sa Zamboanga del Norte Police Intelligence Unit (ZN-PIU), isip lead unit, uban sa Gutalac Municipal Police Station (MPS).
Ang pagkadakop gihimo pinasikad sa warrant of arrest sa krimen nga Theft, nga gi-isyu sa Regional Trial Court, Baliuag, Bulacan, nga gipetsahan Pebrero 12, 2026, nga adunay girekomendar nga piyansa nga Php 10,000.00 alang sa iyang temporaryong kagawasan.
Gipahibalo ang suspek sa hinungdan sa iyang pagkadakop ug mga katungod sa konstitusyon sa usa ka diyalekto nga iyang nasabtan ug anaa na kini karon sa kustodiya sa pulisya alang sa hustong disposisyon.(MEDALYN U. BORJA)
Source: ZNPPO