Usa ka malampusong operasyon ang gipatuman sa tinugyanan sa balaod ang miresulta sa pagkasikop sa usa ka babaye mga ala 1:40 ang takna sa hapon,niadtong Marso 11, 2025 didto sa Brgy. Dawo, Dapitan, Zamboanga del Norte
Naila ang dinakpan nga si Emelyn Genebraldo Baya, 43 anyos, kinsa gi-alegar nga nag atubang sa kasong Estafa.
Ang pagkadakop niini gipangulohan sa Dapitan City Police Station (CPS) Warrant Section, uban sa koordinasyon sa Mabuhay SBC 5th SOU personnel, nasikop pinaagi sa warrant of Arrest nga giisyu ni Hon. Hilarion Jonathan Garcia Maagad, Presiding Judge sa MTCC, 9th Judicial Region, Dapitan City, pinetsahan og Pebrero 28, 2025, nga adunay girekomendar nga piyansa nga mobalor sa Php 18,000.00.
Gipahibalo ang dinakpan sa iyang mga katungod sa konstitusyon sa usa ka pinulongan nga hingpit niyang nasabtan ug gikustodiya gilayon kini sa Dapitan CPS alang sa tukmang dokumentasyon ug disposisyon. (Medalyn U. Borja)
(Source: ZNPPO)