Arestado sa hiniusang operasyon sa mga personahe sa kapulisan ang usa ka 43 anyos nga lalaki mga ala 1:26 ang takna sa kahapunon, Marso 11,2025 didto sa Brgy. Dawo, Dapitan, Zamboanga del Norte.
Ang dinakpan naila nga si Anaper Eguia Baya, 43 anyos, kinsa gidakop pinaagi sa pagpangulo sa Mabuhay SBC 5th SOU, sa koordinasyon sa Dapitan City Police Station (CPS) personnel tungod sa kasong Estafa.
Ang pagkasikop gihimo pinasikad sa warrant of arrest nga giisyu ni Hon. Hilarion Jonathan Garcia Maagad, Presiding Judge sa MTCC, 9th Judicial Region, Dapitan City, pinetsahan og Pebrero 28, 2025 nga adunay piyansa nga girekomendar nga mobalor sa P18,000.00.
Ang dinakpan gipahibalo sa iyang mga katungod sa konstitusyon ug anaa na kini naka kustodiya sa Dapitan CPS alang sa tukmang disposisyon. (Medalyn U. Borja)
(Source: ZNPPO)