Gitataw ni Atty. Ivan Patrick Ang, Provincial Tourism Officer sa Zanorte nga ang organizer sa pagahimuong prayer rally mao si Msgr. Edgar M. Agura, nga sugdan alas 5:00 ang takna sa hapon, karong adlawa, Abril 15 ning tuiga.
Pagpaklaro pa ni Atty Ang nga igo lamang siya gi-requesan sa led wall engun man sa sound system aron usab sa pagtubag sa mga gikinahanglang suporta sa maong prayer rally.
Ang routa sa parade pagasugdan gikan sa Oval, paingon sa R-General Luna St., largo paingon sa Rotonda, L-Echavez St., R-Laylay, L-Bonifacio St., R-Gonzales St., L. Lopez Jaena St., L-Magsaysay St., R. Bonifacio St., L-Martinez St., L-Amatong ug pagkahuman pabalik na usab Oval diin mao usab ang exit.
Tumong ug tinguha niini mao ang pangandoy nga kalinaw,kaangayan,hustisya ug kalamboan nga magkahiusa aron mobarog ug pakigbatokan ang si kinsa man nga manamas-tamas sa katarong ug mapahimuslanon, mang daog-daog, manghulga, pagpanghadlok ug pagyatak sa Balaang katungod sa isig-katawo.
Busa ang mga katawhan sa Dipolognon magkahiusa alang sa maong katuyuan. (Angelica T. Obina)
