Gipalig-on sa Agricultural Training Institute–Regional Training Center IX (ATI-RTC IX) ang koordinasyon sa mga lokal nga panggamhanan, ahensya sa gobyerno ug akademikong institusyon, niadtong Septiyembre 21,2026 aron mas mapalambo ang serbisyo sa agrikultura ug pangisdaan sa probinsya sa Zamboanga del Norte.
Kabahin kini sa midterm assessment sa Philippine Agriculture and Fisheries Extension (AFE) Strategic Plan 2023-2028, diin gipangayo sa ATI-RTC IX ang kasinatian ug mga lakang sa nagkalain-laing partner-stakeholders sa probinsya kalabot sa ilang extension programs ug serbisyo.
Gikonsulta sa assessment team ang mga representante gikan sa Provincial Agriculture Office sa Turno, Dipolog City; Jose Rizal Memorial State University (JRMSU); City Agriculture Offices sa Dapitan ug Dipolog; Municipal Agriculture Offices sa Tampilisan ugKalawit; ug Philippine Carabao Center.
Gisusi sa mga diskusyon kung giunsa pagpatuman sa mga partner-institusyon ang mga programa sa agrikultura ug fisheries extension ug kung unsaon nila pag-angay niini sa mga tumong ug direksyon sa AFE Strategic Plan.
Gawas sa pagkuha og datos alang sa midterm assessment, nahimong higayon usab ang mga konsultasyon aron mapalawom ang koordinasyon, mapalitan og kasinatian, ug mapahiuyon ang mga programa sa tinuod nga panginahanglan sa mga mag-uuma ug mangingisda.
Padayon nga gipalig-on sa ATI-RTC IX ang pakigtambayayong sa LGUs, national government agencies ug academic institutions aron maporma ang mas koordinado ug responsive nga extension system alang sa sektor sa agrikultura ug pangisdaan sa rehiyon.(MEDALYN U. BORJA)
Source: ATI in Zamboanga Peninsula