Gipalig-on sa mga kadete sa Dipolog School of Fisheries (DSF) ROTCU ang paningkamot sa pagpanalipod sa kadagatan pinaagi sa pagsalmot sa coastal cleanup ug environmental awareness activity sa Ofisco, Barangay Olingan, Dipolog City niadtong Septiyembre 19, 2026.
Gipangunahan ang kalihokan ni DSF ROTCU Commandant Major Rainier Rhett G. Concha, uban si Admin NCO SSg. Kevin A. Idio, training staff ug DSF NSTP Director Neil A. Pulido.
Kini nga aktibidad kabahin sa ika-upat nga phase sa DSF National Service Training Program (NSTP) Module, diin direktang mitambong ang mga cadet ug cadette sa paghinlo sa baybayon ug pagtangtang sa nagkalain-laing basura nga mahimong hulga sa marine ecosystem.
Human sa cleanup, gipahigayon usab ang orientation bahin sa environmental laws ug conservation diin gihisgutan ang Solid Waste Management Act (RA 9003) , climate change adaptation, coastal ug marine protection, ug community-based conservation programs diin si ROTC Coordinator Claire Uri maoy nanguna sa environmental awareness lecture sa DSF Covered Court.
Gipakita sa kalihokan nga dili lamang pagbansay militar ang papel sa ROTC, kondili apil usab ang pag-andam sa mga kabatan-onan nga mahimong responsableng citizen-soldiers ug aktibong kabahin sa pag-atiman sa komunidad ug kinaiyahan.
Ang programa gipatuman ubos sa giya sa 9th Regional Community Defense Group (9RCDG) ug 902nd Community Defense Center (902CDC).(MEDALYN U. BORJA)
Source: 9th Regional Community Defense Group