Gipakita sa mga kawani sa Local Government Unit (LGU) sa Godod ang ilang panaghiusa ug dedikasyon sa serbisyo publiko pinaagi sa Lingkod Bayani Commitment Wall, kabahin sa selebrasyon sa ika-126 nga Philippine Civil Service Anniversary, kaniadtong Septiyembre 21,2026.
Ang kalihokan nahimong higayon alang sa mga public servant sa Godod nga ipahayag pag-usab ang ilang saad nga magserbisyo uban ang integridad, propesyonalismo, transparency ug accountability.
Pinaagi sa ilang mga pirma ug mensahe sa Commitment Wall, gipasiugda sa LGU ang prinsipyo nga ang serbisyo publiko dili lamang trabaho o posisyon, kundili usa ka responsibilidad ngadto sa katawhan.
Gipasalig usab sa mga kawani ang ilang panaghiusa sa pagpalambo sa mas responsive, kasaligan ug people-centered nga lokal nga panggamhanan, subay sa tema nga “Puso, Dangal, at Galing Para sa Bayan.”
Ang selebrasyon nagpahinumdom sa papel sa matag kawani sa gobyerno sa paghatag og matinud-anon ug episyenteng serbisyo alang sa komunidad ug sa nasud.(MEDALYN U. BORJA)
Source: Godod Zamboanga del Norte