Nadawat sa duha ka Empleyado sa Dapitan ang Award nga Asean-Inspired Best Employee, atol sa gipahigayon nga Flag Raising Ceremony, nga gipangunahan mismo ni Mayor Evelyn T. Uy, diin gipahigayon usab ang Recognition sa Ika-125th Philippine Civil Service Anniversary (PCSA), nga nagdala sa Tema nga “Bawat Kawani, Lingkod Bayani: Puso, Dangal, at Galing para sa Bayan,” diin kini didto gipahigayon atubangan sa Dapitan City Government Center, niadtong nakalabay’ng adlaw, Setyembre 01, 2025.
nasayran nga ang nasangpit nga mga empleyadong nakadawat sa naasoy nga award, gilangkuban nila ni Ms. Annabelle Adasa gikan sa City Budget Office para sa (Female Category), samtang ang alang sa (Male Category), nadawat si Mr. Jaime Vicente Cad, diin parehong naangkon sa doruha ang kantidad nga Php1,000.00 isip Cash Incentive, maingon man ang Sash, isip Token of Appreciation sa ilang Outstanding Representation and Service.
Ang nasangpit nga aktibidad, gitambungan sa mga nagkadaiyang mga government employee’s ug mga nagkadaiyang Uniform Personel’s sa nahisgutang dakbayan, isip ilang pagpakita sa ilang suporta ug pagpakighiusa sa paghandom, sa Ika-125 ka tuig nga kasumaran sa Philippine Civil Service Anniversary (PCSA), ning bulan sa Setyembre, nga matud pa ang selebrasyon nagpunting sa mahinungdanong papel sa mga Empleyado sa Pampublikong Sektor sa pagtukod sa Nasud. Ang tema usab naghatag og gibug-aton sa mga bili sa Patriotismo, Ekselensya, ug Integridad isip mga giya nga prinsipyo sa paghatud sa Serbisyo Publiko aron matuman ang panglantaw sa Bagong Pilipinas.(Julius Esmade)
Source: CITY GOVERNMENT OF DAPITAN