Garbo karon sa Zamboanga del Norte subay sa liderato ni Governor Rosalina ” Nanay Nene” Jalosjos ang unang province-wide sa tibuok Pilipinas nga Arts Month Celebration nga pormal nga gibuksan Pebrero 3 hangtod Pebrero 26, 2023 sa Zamboanga del Norte Convention and Exhibition Center.
Si Mr. Kim Francis T. Acas, Katribu 2023-Founder nagkanayon nga ang mga local artists ning probinsya, gi-suporthan sa kagamhanang probinsyal sa pagpahigayon sa maong kasaulogan.
Niini, nagpasalamat sila nga nahimong nagmabulukon ug nagmalampuson ang pagbukas sa unang Arts Month ning lalawigan. Samtang si Mr. Vench Alver P. Pango, Katribu 2023-President mapasalamaton ug midayig sa tanang mga misalmot ug mi-suporta sa ilang kalihukan nga nahimong nagmabulukon ang pagbukas niini.
Matud pa nga dili mamahimong magmalampuson ug mahimo ang Arts Month sa Zamboanga del Norte kong wala ang suporta ni Governor Jalosjos.
Gidasig niini ang tanang local artists ning lalawigan nga padayong ipadayag ang mga talento niini aron usab maila ang probinsya nga adunay mga daghanang mga talented artists sa Zambo. Norte. Si Dr. Felimon B. Blanco, Head sa National Committee on Dramatic Arts sa National Commission for Culture and the Arts (NCCA) nga maoy pinasidunggang mamumulong nagkanayon nga mahinungdanon ang maong kasaulogan sa tinguha nga adunay kausaban sa katilingban nga mamahimong garbo sa tanan ang mga local artists.
(Source: Provincial Information Center Zanorte Facebook page)