Nikabat og 150 ka mga balay ang naapiktuhan sa sunog gabii, Pebrero 6,2023, didto sa Purok Sambag, Barangay San Roque, Siyudad sa Talisay.
Segon ni Talisay City Fire Marshal Atty. Alvin Torreon nga alas 10:42 nila gi respondi-an ang maong sunog, pagka alas 10:43 gisaka kini sa ikaduhang alarma, pagka 11:14 nisaka na usab kini sa ikatulo nga alarma, pasado alas 11:39 na under control ug pagka 11:5O na under control kini.
Gikataho usab nga adunay 22 anyos nga lalaki ang nakuryintihan atol sa maong sunog human kini nisuway pagsalbar sa ilang mga gamit.
Kahagip-ot sa agi-anan usa sa nakita nga problema sa maong sunog.
Ang kabomberohan sa maong Dakbayan nagpadayon pa sa ilang imbestigasyon aron pagsuta sa hinungdan sa maong sunog ug pila usab ang danyos niini.
Sa pagkakaron gipahiluna na sa gym ang mga nabiktima sa sunog samtang gipaabot ang financial assistance. (Renante Lada, photo credits to the owner)
