Gipahigayon sa Provincial Social Welfare and Development Office (PSWDO) sa Zamboanga del Norte ang usa ka oryentasyon kabahin sa Republic Act 9262 o Anti-Violence Against Women and Their Children Act kaniadtong Nobyembre 30, 2025 sa ZNCEC, Dipolog City.
Ang tinguha sa kalihokan mao ang pagpahimangno sa proteksyon nga gitanyag sa balaod batok sa pisikal, sekswal, sikolohikal, ug economic nga pagpang-abuso.
Gipasabot sa presentasyon ang coverage sa balaod, ilabina sa pagpanalipod sa kababayen-an ug mga bata nga biktima sa pagdaog-daog, lakip na ang regulasyon sa pagpang-file sa kaso ug ang proseso sa Barangay Protection Order nga balido sa 15 ka adlaw. Gituki usab ang responsibilidad sa barangay officials, kapulisan, ug social workers sa pagresponde sa insidente ubos sa RA 9262.
Lakip sa giapil sa diskusyon ang mga kondisyon diin mahimong dakpon ang perpetrator bisan walay warrant of arrest, ug ang exemption sa trespassing liability alang sa mga responders. Gihlambigit usab ang posibleng silot nga prisohan ug multa kung mapamatud-an ang salarin.
Pinaagi sa maong orientation, gikinahanglan ang padayon nga pagpakusog sa kahibalo sa komunidad aron mas mapadali ang pagsugod sa hustisya ug pagprotekta sa mga biktima sa gender-based violence.(IKEN B. GULLEM)
Source: Zamboanga del Norte Provincial News Network