Pormal nga giablihan sa Municipality of Sindangan kaniadtong Nobyembre 30, 2025, ang 1st Mayor Glona G. Labadlabad Inter-Municipality Basketball Tournament isip kabahin sa selebrasyon sa ika-89 nga Linggo ng Sindangan, nga gipahigayon sa Sindangan People’s Cultural and Sports Center, nga nagpasabot sa opisyal nga pagsugod sa kompetisyon nga nagtinuyo sa pagpalig-on sa sportsmanship ug inter-LGU camaraderie.
Mitambong sa kalihokan ang mga opisyal sa lungsod uban ang mga mayor ug representante sa managlahing munisipyo nga miapil sa torneo. Lakip niini ang mga delegasyon gikan sa Roxas, Katipunan, ug SK Federation sa Siayan. Apil usab sa lineup sa kompetisyon ang mga tinun-an gikan sa Jose Dalman, Manukan, ug Dipolog City.
Gitarget sa torneo nga mahimong plataporma sa pagdiskobre og bag-ong talento sa basketball samtang nagpalig-on sa relasyon tali sa mga silingang LGU. Sa pagsugod sa mga duwa, naglaum ang mga organizers nga mahimong inspirasyon kini sa kabatan-onan ug makadugang sa dinamismo sa linggohang selebrasyon sa Sindangan.(IKEN B. GULLEM)
Source: Local Government Unit of Sindangan