Nagpadayon ang ikaduhang adlaw sa 5th Inter-Barangay Persons with Disabilities o PWD Day Paugnat 2026 niadtong Hulyo 20 sa Barangay Olingan Sports Complex sa Dipolog City isip kabahin sa pagsaulog sa ika-48 nga National Disability Rights Week.
Giapil sa kalihokan ang mga Persons with Disabilities gikan sa mga barangay sa Punta, Olingan, Galas, Sta. Filomena, ug Sta. Isabel. Gipangunahan kini sa Persons with Disabilities Federation ubos sa City Social Welfare and Development Office, samtang ang PWD Federation sa Barangay Olingan maoy host sa maong kalihokan.
Padayon nga gipahigayon ang mga kompetisyon sa badminton, volleyball, chess, ug darts aron mapakita sa mga partisipante ang ilang talento, mapalig-on ang panaghiusa, ug madasig ang aktibong pag-apil sa komunidad.
Ang PWD Day Paugnat 2026 nagdala sa temang, “Rights First, Legislation Forward: Strategic Action for Equal Participation and Inclusive Development,” nga nag-awhag sa patas nga partisipasyon ug inklusibong kalamboan alang sa tanang Persons with Disabilities.(JENIFFER JR. DELICA)
Source: Dipolog City Government