Giaksyonan dayon sa mga personnel sa Local Disaster Risk Reduction and Management Office o LDRRMO Tampilisan ang usa ka panagbangga tali sa motorsiklo ug sakyanan nga nahitabo sa Barangay Farmington, Tampilisan, Zamboanga del Norte, alas 11:30 sa buntag, Enero 11, 2026.
Usa ka disiotso anyos nga babaye nga residente sa Balagon, Siay, Zamboanga Sibugay ang naangol sa maong aksidente ug nakaangkon og gagmayng samad. Gitambalan dayon siya sa first aid didto mismo sa lugar ug gimarkahan nga stable ang iyang kahimtangan.
Nagpahinumdom usab ang lokal nga mga awtoridad sa tanang drayber nga mag-amping kanunay sa kadalanan, sundon ang balaod sa trapiko, ug magmaneho nga responsable aron malikayan ang susamang insidente.(JENIFFER JR. DELICA)
Source: LDRRMO Tampilisan