Gipahigayon ang courtesy visit ni Rev. Fr. Daniel Franklin E. Pilario, C.M., President sa Adamson University, uban sa mga key university personnel, kang City Mayor Evelyn “Belen” T. Uy sa Government Center sa Dapitan City niadtong September 10, 2026.
Gisundan kini og Heritage Tour sa mga importanteng makasaysayanong lugar sa Dapitan, lakip ang Rizal Shrine, St. James the Greater Parish, Relief Map of Mindanao, Rizal’s Landing Site ug Balay Hamoy Museum.
Atol sa paglibot, nasusi ang potensyal sa Dapitan isip usa ka “living classroom” diin magtagbo ang kasaysayan, kultura ug academic collaboration.
Gipakita sa maong pagbisita ang oportunidad alang sa dugang nga pagtinabangay tali sa Dapitan City ug Adamson University, ilabina sa pagpalambo sa heritage tourism ug mga kalihokan nga may kalabotan sa edukasyon.(JENIFFER JR. DELICA)
Source: City Information Dapitan