Mokabat 1,500 ka residente sa Gutalac ang nakadawat og tabang pinansyal atol sa gipahigayon nga Assistance to Individuals in Crisis Situation (AICS) Pay-Out sa lokal nga pangagamhanan, nga gipangulohan sa Municipal Government ubos sa liderato ni Mayor Eddie Justin Quimbo, isip kabahin sa padayon nga programa sa pag-alalay sa mga nanginahanglan.
Sumala sa LGU, tumong sa AICS nga mupaubos sa adlaw-adlaw nga gasto sa mga benepisyaryo, ilabi na kadtong naapektuhan sa kalisod sa panginabuhian. Gipasiugda sa administrasyon nga ang maong kalihokan nagpakita sa tinuoray nga serbisyo publiko nga adunay malasakit ug pagtagad sa katawhan.
Nahatagan usab og dakong pasalamat ang suporta sa 3rd District Congressional Office ni Cong. Ian Amatong ug sa Provincial Government ubos ni Gov. Darel Dexter Uy, nga nakatampo sa kalampusan sa pay-out. Pinaagi sa panaghiusa sa lokal, probinsyal, ug nasyonal nga panguluhan, mas daghan pang Gutalacnon ang natabangan.
Karong umaabot 2026, mipahayag si Mayor Quimbo nga padayon silang manginahanglan ug dugang nga pondo ug programa gikan sa National Government aron mapalapdan pa ang mga serbisyo ug proyekto alang sa komunidad.(IKEN B. GULLEM)
Source: LGU GUTALAC-PUBLIC INFORMATION