Gipahigayon sa DILG Zamboanga del Norte, kauban ang Local Government Academy o LGA, ang 3-day training alang sa mga LGU sa pagpalambo sa agribusiness sa Dipolog City niadtong nilabay nga adlaw.
Gipunting sa training ang pagpalig-on sa kapasidad sa mga lokal nga panggamhanan sa pag-apil sa agribusiness isip bahin sa local economic development. Lakip sa mga gihisgutan ang sustainable Local Economic Development, agribusiness ug value chain analysis aron matino ang mga oportunidad ug kalihokan sa lokal nga ekonomiya.
Miapil usab ang mga partisipante sa workshops bahin sa Value Chain Analysis and Mapping, volume analysis, employment impact, value addition ug distribution, lakip ang pag-ila sa mga isyu ug problema sa sektor. Gipakita usab ang mga lokal nga kasinatian sa Zamboanga del Norte Cassava Growers and Processors Association, Inc. ug Municipality of Dumingag, Zamboanga del Sur.
Gitapos ang training sa pag-andam ug presentasyon sa Agribusiness Strategy and Action Plans, lakip ang mga pamaagi sa implementation, monitoring ug evaluation. Pinaagi niini, gihatagan ang mga LGU og praktikal nga mga pamaagi nga magamit sa pagpalambo sa agribusiness ug pagpalig-on sa lokal nga ekonomiya base sa panginahanglan sa ilang tagsa-tagsa ka lugar.(JENIFFER JR. DELICA)
Source: DILG Zamboanga del Norte