Nakaabot sa 113 ka blood donors ang ikaduhang adlaw sa Mass Blood Letting Activity sa Barangay Obay, Polanco, nga milapas sa target nga 100 ka donors.
Kauban sa 221 ka donors nga natala sa unang adlaw sa Barangay Silawe, mikabat sa 334 ang total nga blood donors sa 2-day activity. Gipasalamat sa mga organizers ang mga Polancohanon nga miboluntaryo sa pagdonar og dugo alang sa mga nanginahanglan.
Mitampo usab sa kalampusan sa kalihokan ang Rural Health Unit o RHU Polanco, DOH-HRH, Zamboanga del Norte Medical Center o ZNMC, mga BHWs ug BNS, Barangay Councils sa Silawe ug Obay, ug ubang volunteers.
Pinaagi sa maong bloodletting activity, gihatagan og higayon ang mga Polancohanon nga makatampo sa suplay sa dugo nga mahimong magamit sa mga pasyenteng nanginahanglan ug makatabang sa pagluwas og kinabuhi.(JENIFFER JR. DELICA)
Source: Mayor Ying Uy