Naghisgot ang Protected Area Management Board o PAMB sa Siocon Resource Reserve sa mga importanteng lakang alang sa pagpanalipod ug pagdumala sa protected area atol sa ilang 3rd Quarter Meeting sa CENRO Siocon Conference Room.
Gipangulohan ni OIC Regional Executive Director ug PAMB Chair Marie Angelique C. Go ang miting diin gilatid ang resulta sa 3rd Quarter Biodiversity Monitoring System o BMS, koleksyon sa Integrated Protected Area Fund o IPAF, ug ang gisugyot nga paggamit sa opisyal nga logo sa Siocon Resource Reserve.
Gihisgutan usab ang PAMB clearance nga gikinahanglan alang sa Environmental Compliance Certificate o ECC sa aplikasyon sa Siocon Water District alang sa Special Use Agreement in Protected Areas o SAPA. Lakip pa sa agenda ang Management Effectiveness Assessment, turnover sa PAMO Cluster 66 building ug ang gisugyot nga right-of-way alignment sulod sa protected area.
Nagtapos ang miting sa mga lakang aron mapalig-on ang biodiversity monitoring, masiguro ang pagsunod sa environmental regulations ug mapalambo ang koordinasyon sa DENR, local stakeholders ug mga partner nga institusyon sa pagdumala sa Siocon Resource Reserve.(JENIFFER JR. DELICA)
Source: DENR Zamboanga Peninsula