Mibisita kang Governor Darel Dexter T. Uy ang mga bag-ong Second Lieutenants sa Philippine Army nga gikan sa Zamboanga del Norte atol sa courtesy call nga gipahigayon sa Governor’s Office sa Dakbayan sa Dipolog niadtong Hulyo 16.
Kauban sa delegasyon si Colonel Mandy T. Libertino ug ang mga bag-ong opisyal nga nakagradwar sa 64th Officer Candidate Course Class of 2026 ug 3rd Officer Candidate Course-Reserve Officers’ Training Corps Class of 2026, lakip ang mga opisyal nga gikan sa Piñan, Sindangan, Manukan ug Dakbayan sa Dapitan.
Gipasiugda sa maong courtesy call ang kalampusan sa mga bag-ong opisyal ug ang ilang kahandam sa pagserbisyo isip kabahin sa Philippine Army.
Gipalig-on usab sa maong pagbisita ang panag-uban tali sa Provincial Government of Zamboanga del Norte ug sa Philippine Army sa pagpalambo sa kalinaw, kaluwasan ug serbisyong publiko sa lalawigan.(JENIFFER JR. DELICA)
Source: Zamboanga del Norte Provincial News Network