Giduso pa ang pagpalapad sa access sa edukasyon sa syudad human opisyal nga giablihan ug gibendisyunan ang bag-ong Alternative Learning System (ALS) Building sa Barangay Miputak niadtong Abril 21, 2026.
Nahimutang ang pasilidad sa Quezon Avenue kanto Amatong Road, gilauman nga magsilbing dugang sentro sa pagkat-on alang sa mga out-of-school youth ug adult learners nga nangita og ikaduhang higayon sa edukasyon.
Gipahigayon ang ribbon-cutting ug blessing ceremony uban sa mga opisyal sa lokal nga pangagamhanan ug Department of Education (DepEd), gisundan sa turnover ug act of commitment aron palig-onon ang suporta sa ALS program.
Mitambong sa kalihokan sila Assistant Schools Division Superintendent Rosalie B. Conturno Jr., Board Member Dante G. Bagarinao nga nagrepresentar kang Governor Darel Dexter T. Uy, Mayor Roberto Y. Uy, City Engineer Susan Ualat, Schools Division Superintendent Ma. Liza R. Tabilon, ALS Focal Person Jovencia M. Samante, ug Dr. Edgardo S. Cabalida sa Curriculum Implementation Division.
Sumala sa DepEd, ang bag-ong ALS building kabahin sa padayon nga paningkamot aron mas daghang residente ang mahatagan og kahigayunan sa edukasyon, bisan pa man sa ilang kahimtang sa kinabuhi.(IKEN B. GULLEM)
Source: Dipolog City Government