Hingpit nang magamit sa publiko ang Dipolog–Punta–Dansullan–S. Osmeña Road human kini giayo ug gi-aspalto sa Department of Public Works and Highways (DPWH) Region IX, pinaagi sa Zamboanga del Norte 1st District Engineering Office.
Ang maong dalan, nga importante nga agianan padulong sa utlanan sa Zamboanga del Norte ug Zamboanga del Sur, karon mas hapsay na ug mas luwas gamiton sa mga motorista ug biyahero matag adlaw.
Gibutyag sa DPWH nga ang proyekto naglakip sa pag-aspalto sa 1,354.70 linear meters aron mapalig-on ang dalan ug malikayan ang kadaot nga makaapekto sa biyahe.
Tungod sa nahuman nga pag-ayo, mas paspas na ang daloy sa transportasyon ug nabawasan ang risgo sa aksidente sa maong ruta. Kini nga lihok kabahin sa padayon nga programa sa gobyerno aron maseguro nga ang mga dalan sa rehiyon magpabiling magamit, luwas, ug episyente alang sa tanang katawhan.(IKEN B. GULLEM)
Source: Zanorte news flash