Gipahigayon sa buhatan sa 97th Infantry “KALASAGLAHI” Battalion ang usa ka Send-Off Ceremony sa Community Support Program (CSP), niadtong Hulyo 29,2024,didto sa Municipal Gymnasium sa Munisipyo sa Sirawai, Zamboanga del Norte.
Ang kalihokan pinangulohan ni Lieutenant Colonel Jimmy J Sanz, Commanding Officer, uban sa Local Government Unit sa Sirawai mipahigayon sa Send-Off Ceremony sa Community Support Program (CSP) team sa 1st Company, 1st Civil Military Operations (CMO) Battalion, Regiment, Philippine Army.
Gitambungan usab kini, ni Honorable Aljazar P. Janihim, Municipal Mayor sa Sirawai, uban ni Second Lieutenant Juanito I Inot Jr., Officer-in-Charge sa Alpha Company sa 1st Civil Military Operation (CMO) Battalion, Regiment, Philppine Army ug lain-laing mga opisyal sa lokal nga kagamhanan ug mga lider sa komunidad sa maong lungsod.
Nagsilbi kini nga simbolo sa panaghiusa ug pasalig samtang ang grupo nagsugod sa ilang misyon sa pagserbisyo ug pagbayaw sa mga komunidad sa Sirawai.
Si Mayor Janihim mipadayag sa iyang pagpasalamat sa CSP team sa ilang kaandam nga mosuporta sa pagkab-ot sa malungtarong kalinaw ug kahapsay sa mga barangay sa Sirawai, usa ka mahinungdanon sa kolaborasyon ug panag-uban tali sa militar ug lokal nga gobyerno sa pagtubag sa mga panginahanglanon sa komunidad.
Ang team mohimo sa ilang mandato alang sa pagkab-ot sa mauswagon, malinawon ug maayong produktibo nga katilingban sa Barangay Sipakit, Panabutan, Doña Cecilia, Poblacion, Sitio Quarry, ug Barangay Pulang Lupa, tanan gikan sa Munisipyo sa Sirawai.
Sa samang higayon, si Lieutenant Colonel Jimmy J Sanz, ang Commanding Officer sa 97IB mipadayag sa iyang mensahe, alang sa pagsiguro nga mupatigbabaw ang hustisya alang sa malinawon nga pagpuyo,nga walay kahadlok ug pagdaug-daug nga mupuyo sa lungsod sa Sirawai.
Dugang pa, magkahiusa alang sa mas dako nga kaayohan. Mag-uban, sa pag buntog sa mga babag nga anaa sa dalan ug magtukod ug kaugmaon diin ang kalinaw naghari nga labaw pagpalambo sa positibong kausaban ug kalamboan. (Medalyn U. Borja)
Source: 97th Infantry ”KALASAGLAHI”Batalion