Gipahibalo sa 97th Infantry Battalion nga pagahimoon niini ang Inter-Agency Territorial Defense Operations (IATDO) Exercise sa Pebrero 27, 2026 sa tanang lungsod sakop sa Ikaduhang Distrito sa probinsya.
Sumala sa battalion, ang maong ehersisyo ipatuman uban ang nagkadaiyang partner government agencies aron mapalambo ang koordinasyon, kahandaan, ug abilidad sa pagresponde sa mga isyu nga may kalabotan sa territorial ug coastal security.
Ipahigayon ang nag-unang kalihokan sa simulation exercise sa Barangay Punta Blanca sa lungsod sa Manukan. Tungod niini, posibleng makita sa mga residente ang lihok sa mga sundalo ug ubang personahe sa gobyerno isip kabahin sa maong aktibidad.
Gipahimangnoan sa 97IB ang publiko nga dili makuratan o maalarma sa makita nga kalihokan, kay kini kabahin lamang sa planadong ehersisyo. Giawhag usab ang katawhan sa pagpadayon sa pagsuporta ug pagsabot aron mapalig-on ang kalinaw, seguridad, ug kahandaan sa tibuok probinsya.(IKEN B. GULLEM)
Source: 97th Infantry “Kalasaglahi” Batallion