Nakadawat og tag-10 ka kilo nga bugas ang kapin sa 900 ka mga panimalay sa Polanco pinaagi sa Local Government Support Fund–Financial Assistance to Local Government Units o LGSF-FALGU Rice Project.
Ang maong distribusyon kabahin sa programa sa nasyonal nga panggamhanan aron makatabang sa mga kwalipikadong pamilya, ilabina karon nga nagkataas ang presyo sa mga batakang panginahanglanon.
Gipasalamatan sa Lokal nga Panggamhanan sa Polanco si Governor Darel Dexter Uy sa padayon nga suporta sa paghatag og ayuda sa mga lumulupyo sa lungsod.
Ang maong inisyatibo kabahin sa paningkamot sa gobyerno sa pagpalig-on sa food security ug paghatag og dugang nga suporta sa mga pamilyang nanginahanglan.(JENIFFER JR. DELICA)
Source: Mayor Ying Uy