Laing siyam na usab ka barangay sa lungsod sa Rizal, Zamboanga del Norte ang nakapahimulos sa Gugma Ayuda ni Nanay Nene Outreach Program kahapon, Agosto 15, 2023.
Kini gilangkuban sa Barangay Poblacion West, Poblacion East Tulon, Birayan, Nangcaan, Mitimos, Napilan, Rizalan, ug La Esperanza.
Ang pagpanghatag sa mga ayuda nga gidumog sa kapin kon kulang 3 mil ka mga residente sa 9 ka mga barangay gipahigayon sulod sa Barangay Poblacion West Gymnasium sa lungsod sa Rizal ning lalawigan.
Napahimuslan sa 656 ka mga reisidente  ang serbisyong dala sa Provincial Health Office. Ang mga doctor ug ubang mga health personnel sa Provincial Health Office ug Provincial Disaster Risk Reduction and Management Office ang milugway ug libreng medical consultation ug libreng tambal sa 515 ka mga individual, libreng ibot sa ngipon ug tambal sa 107 ka mga individual, ug libreng tuli sa 38 ka mga bata.
Ang Provincial Social Welfare and Development Office nanghatag ug 2,060 ka paketeng tag-lima ka kilong Princess Bea rice uban ang 500 ka basong champurrado.
Samtang ang PROVET usab nanghatag ug bitamina sa 1,758 ka mga manok, 271 ka baboy, ingon man tambal sa 6 ka mga kabayo ug 23 ka mga iro, 945 ka mga manok ug 3 ka mga iring, porga sa 6 ka mga kanding ug  mga baboy ug anti[-rabies vaccination ug 300 ka mga ice candy.
Sa laing bahin, libreng alot usab ang gihatag sa PDRRMO sa 34 ka mga indibidwal ug ang Office of the Provincial Agriculturist ang nang-apud-apod ug tres mil ka pakete sa nagkalain-laing matang sa utanon, 400 ka paketeng organic fertilizer kon vermicast ug 500 ka pakete sa binhi sa mais.
(Source: Provincial Information Center ZaNorte Facebook page)