Padayon ang pagpalambo sa teknikal nga kahibalo sa komunidad human gihimo ang ikawalong adlaw sa Electrical Installation and Maintenance (EIM) NC II training nga gipangulohan sa R-PSB Team sa Zamboanga del Norte 2nd Provincial Mobile Force Company (ZN 2nd PMFC) niadtong milabay nga adlaw.
Giapilan ang maong kalihokan ni PLTCOL Edwin D. Verzon, Force Commander, sa tabang ni TESDA Electrical Specialist nga si Al-Fonso Benlot Jr., uban sa mga miyembro sa Cympil Situbo Alsa Masa Farmers Association isip mga benepisyaryo sa pagbansay.
Ang sesyon naglangkob sa teoretikal nga pagtuon sa electrical safety standards ug hustong pamaagi sa pag-instalar sa kuryente, nga gisundan sa hands-on nga praktis sa basic measurements ug standard procedures nga gigamit sa aktuwal nga trabaho sa electrical installation.
Sumala sa ZN 2nd PMFC, ang maong inisyatiba nagpadayon sa tumong nga mapalapad ang kahibalo sa mga partisipante ug matagan sila og praktikal nga kahigayonan nga mahimong pundasyon sa dugang panginabuhian ug kahusay sa komunidad.(IKEN B. GULLEM)
Source: Zamboanga del Norte 2nd PMFC