Gipangunahan sa City Environment and Natural Resources Office (ENRO) sa Dipolog ang usa ka mangrove planting activity sa usa ka sapa sa Surf, Barangay Miputak niadtong Abril 10, 2026 sa sayong kabuntagon.
Kaabag sa kalihokan ang mga estudyante sa 4th year Bachelor of Arts in Political Science ug Bachelor of Arts in Journalism sa Jose Rizal Memorial State University (JRMSU) – Dipolog Campus, nga miapil sa pagtanom og 150 ka mangrove propagules isip kabahin sa environmental protection drive sa syudad.
Sumala sa Dipolog ENRO, ang mangrove adunay dakong papel sa pagpanalipod sa baybayon ug suba pinaagi sa pagpugong sa erosion, pagpalambo sa kalidad sa tubig, ug paghatag og puy-anan sa nagkalain-laing aquatic species.
Kini nga inisyatiba nagpakita kahinungdanon sa aktibong partisipasyon sa kabatan-onan ug sektor sa edukasyon sa pagpanalipod sa kinaiyahan, isip suporta sa padayon nga environmental programs sa lokal nga panggamhanan sa Dipolog.(IKEN B. GULLEM)
Source: Dipolog ENRO