Mainitong gi-abi-abi ni Mayor Darel Dexter T. Uy ang 8 anyos nga si Seth David Suico sa dihang kini, kauban sa iyang ginikanan nga sila si Geline & Doods Suico, ang mibisita ngadto sa mayor kagahapon, Nobyembre 17 ning tuiga.
Si Seth David ang nakakuha og tulo (3) ka medalya sa gipahigayon nga “6th Eastern Asia Youth Chess Championship 2022” didto sa Bangkok, Thailand niadtong Nobyembre 4 hangtod 13 ning tuiga nga gitambongan sa 22 ka mga partisipants gikan sa 12 ka nagkalain-laing nasud.
Nasayran nga 1st place kini sa “Blitz Chess Under 8 Open Division (Team),” “1st Place sa Standard Under 8 Open Division (Team)” ug “3rd Place sa Blitz Chess Under 8 Open Division.”
Malipayon nga gipadangat ni Mayor Uy ang iyang pahalipay ngadto sa 8 anyos nga kampiyon ug kini mipadayag sa iyang padayon nga suporta alang sa mga umaabot nga dula niini.
(Source: Dipolog City Government Facebook page)