Usa ka inspection ang malampusong gipahigayon sa CAA Personnel and Resource Audit and Inspection (CPRAI) Team sa Headquarters sa 7th ZN CAA-II Company, Feeder Port, Galas, Dipolog City kaniadtong Hunyo 19,2026.
Ang maong inspection team gipangulohan ni Mark Louie C. Dela Rosa, gikan sa Headquarters Philippine Army, Fort Bonifacio Taguig City, Metro Manila uban sa partisipasyon ni Maj Arado nga nagrepresentar sa 1st Infantry (TABAK) Division for operation, G3.
Sila si Maj Mark Louie C. Dela Rosa, Maj Arado, ug Ltc Jesse G. Bergonia, Commanding Officer, 97IB sa samang higayon mi-courtesy call kang Dipolog City Mayor Roberto Y. Uy.
Gihisgutan sa meeting ang mahinungdanong tahas sa CAFGU Active Auxiliary Category II (CAA-II) sa pagmintinar sa kalinaw ug kahusay, pagsuporta sa seguridad sa komunidad, ug pagtampo sa kinatibuk-ang kaluwasan ug kalamboan sa lokal nga komunidad.
Ang kalihokan naglakip sa headcount sa tanang CAA personnel ubos sa 7th ZN CAA-II Company ug ang pag-inspeksyon sa gi-isyu nga mga armas aron masiguro ang pagkamay-tulubagon, pagkaandam sa operasyon, ug pagsunod sa kasamtangan nga mga regulasyon.
Gipakita sa Philippine Army ug local government units ang padayong pasalig sa pagpalig-on sa seguridad, accountability, ug serbisyo publiko para sa katawhan sa Dipolog City ug sa tibuok probinsya.(MEDALYN U. BORJA)
Source: Scaa Zamboanga del Norte