Ubos sa Republic Act No. 11982 o Expanded Centenarians Act, 91 ka senior citizens sa Dakbayan sa Dapitan ang nakadawat og ₱10,000 nga cash gift matag usa atol sa 2nd Quarter Cash Gift Distribution niadtong Hunyo 19.
Ang maong benepisyo alang sa mga senior citizen nga nakaabot sa 80, 85, 90, ug 95 anyos, isip pag-ila sa ilang taas nga kinabuhi ug kontribusyon sa katilingban. Ang balaod usab naghatag og ₱100,000 nga insentibo sa mga makaabot sa edad nga 100 anyos.
Gipahigayon ang payout pinaagi sa Office for Senior Citizens Affairs (OSCA) ug sa National Commission of Senior Citizens (NCSC) Region IX aron masiguro ang hapsay ug episyenteng paghatag sa benepisyo.
Kini nga programa nagpadayon sa pagpalig-on sa sosyal nga proteksyon ug paghatag og angay nga pag-ila sa mga senior citizens isip bililhong kabahin sa komunidad.(IKEN B. GULLEM)
Source: Dapitan City Government