Nasikop sa kapulisan sa Talisay City Police Station ang usa ka High Value Individual (HVI) nga suspetsado sa ilegal nga drogas human sa gihimong buy-bust operation sa Sitio Kolis, Barangay Tangke, Talisay City sa gabii sa Hunyo 19, 2026.
Sumala sa report, ang operasyon gipangulohan sa City Drug Enforcement Unit (CDEU) human sa intelihensiya ug validation sa impormasyon nga ang suspek nalambigit sa pagbaligya og shabu. Nasikop ang suspek human niya gibaligya ang gidudahang shabu ngadto sa undercover police.
Nakumpiskar sa operasyon ang mga sachet nga adunay gidudahang shabu nga mokabat og 165 gramos, nga may kantidad nga kapin ₱1,122,000. Nadakpan usab ang marked money ug uban pang kwarta nga giingong gikan sa ilegal nga transaksyon, apil ang sling bag nga gigamit sa pagtago sa drogas.
Gidala ang suspek sa presinto alang sa dokumentasyon ug kustodiya, samtang ang mga nakumpiskar nga ebidensya gipasa sa Cebu Provincial Forensic Unit para sa laboratory examination.
Ang kapulisan sa Cebu Police Provincial Office ug Philippine National Police mipadayag sa ilang padayon nga kampanya batok sa illegal nga drogas ug nag-awhag sa publiko nga magtinabangay pinaagi sa pagreport sa mga ilegal nga lihok sa komunidad.
📸 CPPO
I via Renante Socia Lada