Aron masiguro ang tukmang datos sa sektor sa hayopan ug manok, pito ka statistical researchers ang giandam alang sa field operations, ubos sa pagdumala ni Statistical Specialist II Rasul J. Maruji ug Assistant Statistician Al Kalam Caluang atol sa gipahigayong 3rd Level Training alang sa 4th Quarter Livestock and Poultry Survey sa Provincial Statistical Office (PSO), kaniadtong Nobyembre 20–21, 2025 sa PSA Office, Dipolog City.
Ang maong survey mokolekta ug impormasyon gikan sa mga establisemento ug panimalay nga nag-atiman ug baka, baboy, kanding, manok ug itik. Lakip sa pangayoon nga datos mao ang gidaghanon sa hayop, inventory, supply disposition, presyo sa farmgate, ug ubang impormasyon nga makatabang sa pag-assess sa kahimtang sa livestock ug poultry sa probinsya.
Gipatuman kini ubos sa mandato sa Republic Act 10625 o Philippine Statistical Act of 2013, nga naghatag ug full authority sa PSA sa pagdumala sa nasudnong survey ug estadistikal nga operasyon.
Gihangyo sa PSA ang kooperasyon sa mga respondents aron makahatag ug husto, kasaligan nga datos, nga usa ka yawe nga basehan sa pagpanday ug mas episyenteng polisiya ug programa alang sa paglambo sa sektor sa agrikultura ug panginabuhian sa mga mag-uuma.(IKEN B. GULLEM)
Source: PSA Zamboanga del Norte