Giila ang Police Regional Office 7 (PRO7) tungod sa ilang hilabihan ka dakong suporta ug pagpanguna sa pagpatuman sa mga programa batok iligal nga drogas atol sa Drug Abuse Prevention and Control Week 2025 Awarding Ceremony nga gipahigayon niadtong Nobyembre 21, 2025 sa IC3 Convention Center, Cebu City.
Gihatag ang pasidungog ni Director III Joel B. Plaza, Regional Director sa PDEA RO VII, aron ilhon ang dakong kontribusyon sa PRO7 ngadto sa Regional Oversight Committee on Barangay Drug Clearing (ROCBDC) ug ang papel niini sa pagpahimutang sa lig-on nga sistema sa drug clearing initiatives sa matag barangay sa Central Visayas.
Personal nga midawat sa pasidungog si PBGEN Redrico A. Maranan, Regional Director sa PRO7, ug mipasabot sa importansya sa hugot nga kooperasyon tali sa mga ahensya ug ang padayon nga suporta sa mga programa sa gobyerno aron makab-ot ang dugayng positibong epekto sa komunidad.
Gipakita usab sa maong pag-ila ang tinuoray nga komitment sa PRO7 nga mahimong modelo sa rehiyon, pinaagi sa han-ay, hiniusa, ug epektibong mga estratehiya batok iligal nga drogas, nga makatabang sa kapulisan ug sa katawhan nga ilang gialagaran.
“This recognition reflects the dedication of every member of PRO7 and our partners in building a stronger, safer Central Visayas. We are proud to contribute to programs that not only enforce the law, but also strengthen institutions and empower communities,” segon ni PBGEN Maranan.
Source: PRO7 PIO
I via Renante Socia Lada