Nag-una sa tibuok nasud ang Police Regional Office 7 (PRO7) human makakuha og taas nga puntos nga 81.986% sa Unit Performance Evaluation Rating (UPER) para sa bulan sa Abril 2025. Nalabwan niini ang performance sa tanang 17 ka regional police offices sa Pilipinas.
Ang UPER mao ang gi-gamit nga sukdanan sa Philippine National Police (PNP) aron tan-awon ang performance sa matag opisina matag buwan. Apil sa ilang gi-evaluate ang disiplina, epektibo nga pagpapatuman sa balaod, pagdumala sa mga sakop, operasyon sa opisina, ug pakig-uban sa komunidad.
Ang kalampusan sa PRO7 nagpamatuod sa ilang dedikasyon, panaghiusa, ug pagkapropesyonal sa pagserbisyo sa katawhan. Giila kini nga resulta sa maayong panudlo ug liderato sa hepe sa PNP nga nagtinguha sa lig-on ug maayo nga serbisyo publiko.
Gipasalamatan ni PBGEN Redrico A. Maranan, ang Regional Director sa PRO7, ang tanang pulis sa rehiyon sa ilang kugi ug paningkamot.
“Kudos to the dedicated men and women of Police Regional Office 7 for your unwavering commitment and hard work. Your outstanding efforts have led to this remarkable achievement. Keep up the good work as you continue to set higher standards in public service and law enforcement,” segon ni PBGEN Maranan.
Ang pagkadaug sa PRO7 usa ka timailhan sa ilang maayong pamalaod, paspas nga aksyon batok krimen, ug epektibong serbisyo sa publiko. Kini usa ka inspirasyon sa tanang kapulisan aron mas lig-on pa ang pagpanalipod sa katawhan sa Central Visayas.
Source: PRO7
I via Renante Socia Lada