Dakpan sa kapulisan ang usa ka 69 anyos nga Lalaking wanted sa kasong pagsupak sa Republic Act 7610, nga taga Lungsod sa Piñan ning Probinsiya sa Zamboanga Del Norte, pinaagi sa gipahigayon nga Joint Law Enforcement Operation sa mga personahe sa Piñan Municipal Police Station (MPS), ubos sa koordinasyon sa mga Intel Operatives sa Sultan Naga Dimaporo Municipal Police Station, ug ang mga personahe gikan sa Lanao del Norte Police Provincial Office (LDN PPO), maingon man ang Police Regional Office 10 (PRO 10), niadtong nakalabay’ng adlaw Hulyo 23, 2025, sa may alas 10:30 sa buntag.
Giila sa Piñan Pnp ang dinakpan sa alyas nga Jojo, kinsa usa na kini ka Senior Citizen, minyo nga usa ka mag-uuma, nga Lumolupyo sa Purok Mangga, sa Barangay Dilawa, Lungsod sa Piñan, ning maong Probinsiya, diin kini gisikop pinasikad sa Warrant of Arrest nga naka doket ubos sa Criminal Case No. 12931, for the Crime of Violation of Sec. 10(a), Article VI of RA 7610 (Special Protection of Children Against Abuse, Exploitation and Discrimination Act), nga giisyu ni Hipolito Bael Jr. Ang Presiding Judge sa Regional Trial Court, 9th Judicial Region, Dipolog City, penitsahan og Pebrero 6, 2006.
Bisan paman sa nabuhat nga salaod sa nasangpit nga Supetsado, gihatagan gihapon kini og katungod sa korte nga makaangkon og temporaryong kagawasan, pinaagi sa pagtunol og kantidad nga Php200,000,00 ngadto sa korte, alang na sa iyang temporaryong kagawasan, samtang nahisgutang dinakpan sa pagka karon atua na ubos sa kustodiya sa PiÑan Minucipal Police Station alang na sa tukmang disposasyon.(Julius Esmade)