Sikop sa gikasa nga Search warrant operasyon sa mga personahe sa kapulisan ang usa ka 65 anyos nga Senior Citizen, tungod sa pagpanag-iya sa dili lisensyado nga armas didto sa Barangay, Kilalaban, Baliguian Zambonga del Norte,Oktubre 12,2025.
Ang maong dinakpan naila nga usa ka 65 anyos nga Senior citizen,lalaki ug residente sa samang Barangay kinsa nasakmitan sa mga otoridad ug usa ka unit sa kalibre .38 nga revolver nga walay serial number ug duha ka buhing bala.
Ang pagkasikop gihimo pinaagi sa usa ka law enforcement operation sa mga personahe sa Baliguian MPS kauban ang mga personahe gikan sa 2nd ZNPMFC ug 901st RMFB 9 3rd Platoon pinasikad sa search warrant nga giisyu sa 4th Municipal Circuit Trial Court, 9th Judicial Region, Siocon, Zamboanga del Norte pinetsahan og Oktubre 2, 2025, tungod sa paglapas sa Republic Act No. 10591.
Kining malampuson nga operasyon nagpasiugda sa walay puas nga dedikasyon sa atong mga personahe sa pagwagtang sa ilegal nga drugas aron mapanalipdan ang atong komunidad.(Medalyn U. Borja)
Source: Baliguian ZNPPO MPS