DAVAO CITY — Tulo ka mga armado ang napatay human magka-engkwentro ang mga otoridad ug grupo sa armas sa Barangay Semba, Datu Odin Sinsuat, samtang nagserbisyo og warrant of arrest pasado alas 5:00 sa buntag, Oktubre 15, 2025.
Nasamdan ang Deputy Chief of Police sa Datu Odin Sinsuat, si PCapt Sammy Panning, atol sa operasyon nga nauwi sa bakbakan.
Sumala sa imbestigasyon sa kapulisan, ang mga napatay nga suspek giingong mga miyembro sa Bangsamoro Islamic Freedom Fighters (BIFF) ug nalambigit sa gun-for-hire, illegal drugs, ug ubang kriminal nga kalihokan.
Padayon pa ang pag-ila sa mga napatay nga armado samtang gipahigayon ang clearing operations sa lugar.
Miadto usab sa lugar sa insidente si Mayor Abdulmain Baba Abas aron masuta ang kahimtang ug makigkoordinar sa mga otoridad.(Camille Santos Naraga)(Source: Contributed)