Malampusong gipahigayon ang duha ka adlaw nga Interview ug Validation alang sa mga kolehiyo nga benipisyaryo sa Educational Assistance sa Lungsod sa La Libertad nga gipahigayon sa Conference Room, Municipal Hall, La Libertad, Zamboanga del Norte.
Ang maong kalihokan nagtumong aron masiguro nga ang mga kwalipikado ug tinuod nga nanginahanglan nga mga estudyante mahatagan og tukmang tabang pinansyal gikan sa lokal nga panggamhanan. Kini usa ka buhing pamatuod sa padayon nga suporta sa munisipyo sa edukasyon ug sa paghatag og oportunidad sa kabatan-onan.
Dako usab ang pasalamat ni Mayor Ricky R. Cuenca, sa mga facilitators ug sa lokal nga paggamhanan nga padayong naghatag opurtunidad sa mga kabatan-onan alang sa ilang malampusong edukasyon.
Ang maong serbisyo gibuhat aron masiguro nga ang matag aplikante na-assess pag-ayo ug natuki ang ilang mga academic requirements.(Iken B. Gullem)
Source: MUNICIPALITY OF LA LIBERTAD