Nakumpiskahan sa mga personahe sa kapulisan ug mutimbang sa 3 ka gramo nga drugang shabu ang usa ka 63 anyos nga senior citizen atol sa gipatoman nga buy-bust operation mga alas 8:25 sa gabii niadtong Septyembre 2, 2026, didto sa Purok Bougainvilla, Barangay Turno, Dipolog City, Zamboanga del Norte.
Ang maong nakumpiska nga ilegal nga drugas nga iya sa nasangpit nga senior citizen nga gibana-bana nga nagkantidad sa P20,400.00.
Ang pagkakumpiska ilegal na drugas ug pagkasikop sa suspek gihimo pinaagi sa mga personahe sa Zamboanga del Norte Provincial Drug Enforcement Unit (ZNPDEU), isip lead unit, uban sa Dipolog City Police Station (CPS) ug 5th Special Operations Unit, PNP Maritime Group (5th SOU PNP-MG) MABUHAY SBC, uban sa koordinasyon sa PDEA Region 9.
Atol sa operasyon nakumpiska sa mga operatiba ang nagkadaiyang heat-sealed transparent plastic sachets nga adunay sulod sa gituohang shabu,lakip ang mga butang nga dili droga.
Ang mga nakumpiskang ebidensya sa droga itugyan ngadto sa Zamboanga del Norte Provincial Forensic Unit alang sa inisyal nga pagtimbang ug laboratory examination.
Samtang ang dinakpang suspek anaa karon sa kustodiya sa Dipolog CPS alang sa hustong dokumentasyon ug disposisyon.(MEDALYN U. BORJA)
Source: ZNPPO